،،،، رساله الى الماضي،،،/ بقلمي/ شاعر بلا وطن

 ،،،، رساله الى الماضي،،،

رسلتي ليك من غير تحيه أوسلام
ولا بيها بفتح سكه تانيه للكلام
ولا جي اقولك لا في عرضك او حرام
 انا بنجرح انا هنتحر ارجع أوام

لا مش تمام ومش اكيد
ومش انا ال ببكي لما بكون وحيد
 وجرحي بعرف اطيبو لوكان عنيد

وان كان على حكاية المشاعر
وال كتبوه الف شاعر
ان لسه فيه مشاعر
 عيشه في الماضي البعيد

طبعا اكيد........... هو ده سبب الرساله
ومش اكيد انو لسه فقلبي حاله
يعني ايه اشيل في قلبي اي حاله
 استحاله وعندي صندوق ......للزماله

زي حصاله لجراحي وزكرياتي
وكل ماضي كان فيوم غلطة حياتي
قصدي انته منتا غلطتت عمري كلو
 غلطه بتنفس ندمها بين اهاتي

وفسكاتي كنت بكتبلك رسلتي
اه بتصرخ جو قلبي رغم صمتي
خيفه تطلع يعرفو العالم حكيتي
وانك انتا يلي كنت فيوم جنوني
 النهار ده يبقى على ايدك نهيتي

هو ده طبعك ياماضي
لما كان اسمك زمان حاضر وقاضي
 شيئ من الاحساس مجرد.......رسم فاضي

ميسويش يبقالو ذكره في الزمان
ذنب ميت بس شبحك في المكان
لسه عايش لسه عارف انو خان
 والغريب انك شيطان.........وانت راضي

والرساله بأختصار مش كلام عن ال فات
ال فات مات وانتهى. والعذاب في الذكريات
ال عيشه بين ضلوعي زي دقات الساعات
كل دقه تقول لقلبي فاكر الشوق والاهات
رفضه تسمع رد قلبي
 رفضه تعترف انو مات.............ايوا مات

والرساله دي شهادة وفاه
ارجو انك تستلمها واوعى تيجي فيوم عزاه
واوعى تيجي فيوم تزرني
بالحنين والشوق معاه
 اصل مش هتلاقي حاجه غير ندم ودموع واه

والختام من غير سلام زي البدايه
والرساله مهما طالت مش كفايه
مش هتقدر تحكي تفاصيل الروايه
دا. انت ماضي ......وال بينا ملوش نهايه
،،،،،،،،،،،،،،،،،.....................،،،،،،،،،،،،
،،،،مع تحياتي / الشاعر حمدي عبد الواحد
،،،،،،،،،،،،، شاعر بلا وطن ،،،،،،،،،،،،،،،،
 ٢٠١٧/٣/١٠