قرشى ف جيبى
الاقى الكل ماسك ايدى
ولو راح القرش من جيبى
الاقى الكل ف لحظة يسيب ايدى
دنيا غريبة وزمن اغرب
ملعون ابو الفلوس
قدرت الكل وقت ضيئتهم
ووقت ضئتى الكل عليا بيدوس
ياخسارة الرجالة لم وقت الشدة متلقيهاش
زمن المرجلة عدا وولا وجانا زمن رجالة متسواش
وانا اللى كنت مادد للكل ايدى قبل قرشى
وديت الكل وياخسارة الود مطمرشى
تسلم يازمن بينت الراجل من العويل
وعد منى يازمن م يوم اصاحب البخيل
ضئتى عرفتنى مين صاحب بجد ومين جبان
صاحب راجل احسن من 100 راجل جبان
قرشى ف جيبى الاقى الكل حبيبى
ولو راح القرش الاقى الكل سابنى ف طريقى
ياخسارة الرجالة اللى تخلى الصحبة جاه وفلوس
ال معاه قرش ف الزمن دا الكل يجرى
عليه وف ايديه يبوس
الله يرحم الرجالة ال كانت ف الحزن قبل الفرح متجمعة
رجالة صح ووقت الشدة كلمتهم مسمعة
قرشى ف جيبى الاقى
الكل ماسك ايدى
ولو راح القرش من جيبى
الاقى الكل ف لحظة يسيب ايدى
محمد ابوالعيون
