سلاح
قالوا الكنيسة مليانه
بالسلاح
كلام جميل وعاقل من ناس ملاح
فجروا الكنايس القلب ناح
رحت لأبونا أسأله قلي كفاياك مزاح
طيب يا أبونا امتي هتسلمنا السلاح
علشان عن الكنيسة ندافع وتقف الجراح
جري أبونا فتح لنا مخزن كبير
مليان بسلاح الله القدير وقال خدلك سلاح
زهلت وقلت يا أبونا
كفياك مزاح
أبتسم وعطاني صليب صغير وكتاب
المزامير
وقراء لي أية حافظك حافظ أسرائيل
لا يغفل ولا ينام لأنه الله القدير
للي مش فاهم أسرائيل دي مش معناها
دولة إسرائيل ده إسم يعقوب بالانجيل
لحسن اتهمم بالخيانه ولا تخلوني عميل
وقالي هو ده السلاح اللي يداوي الجراح
يسعدك ويملا حياتك أفراح
طيب يا أبونا إيه
الكلام إللي بيقولوه
الكنايس والاديره مليانه بالسلاح
والدنيا بقت سداح مداح
والناس بتموت والباقي جراح
قالي يا أبني أيمانك سلاح صلاتك
سلاح
حبك لله وللناس سلاح
عمل الخير سلاح
يا أبونا أنا مت وأنا
بصلي ودمي باح
أبونا صرخ فيا وغضب وصاح
وقالي كلمة ربنا تشفي الجراح
مين قال دمك مباح
ومن أمتي شعب علي شهيده ناح
القاتل يقتل الجسد ولا يحصد الأرواح
فالروح بيد خالقها ويستقبلها بأنشراح
يا أبونا حرضروا
الدنيا حوالينا والحزن عم أهالينا
بيقتلوا ويحرقوا ويهدموا ويحرمونا من أعز
مالينا
حتى في عيدنا الحزن عم المدينة
قالي يا أبني أيمانك هو السلاح
صوم صلي سامح ومتبصش علي اللي راح
وربك شايف سامع وهيداوي الجراح
يا عم ياللي بتتهمنا
أننا بنملك سلاح
شوف كنيستنا وقت صلاتنا الفرح راح
خليتوا الدنيا سداح مداح
وفي يوم عيدنا مليتوا قلوبنا جراح
يبقي امتي هنطلع السلاح
مطلعش في نهب ولا حرق ولا خطف
ولا في قتل هنطلعه في الأفراح.??!!!!
يا عم ياللي فتنت
وضيعت الشباب
والكل وراك ظيت وصاح الكنيسه فيها
سلاح
هحاربك بسلاحي أمتي وأنت قتلت أبني
ودمه ساح
مطلعتهوش واخدت تاري وبالقانون دمه
راح
وقتلت التاني ورا التاني لما وصلوا ألاف
وبتعليمك كل يوم تقتلي الأفراح
يا عم ياللي بتتهمنا
أننا بنملك سلاح
ويجروا ورا كلامك ناس مُلاح
فوقوا يا خلق فين هو السلاح
ملعونه الدنيا إللي خلت خسيس فاكر
بيعمل لله أصلاح
يفجر نفسه وفاكر أنه علي الجنه راح
لأنه قتل كفره كنائسهم عايزه أصلاح
عجبت لبشر من العقل مساح
والفكر منهم شرد وعرج ولاح
ويمثلون أنهم أفضل الناس وكمان مُلاح
وعلي ضمير أمه منها راح
كلمات أندرو فرج
10/4/2017
