سلاسل قيود / بقلم / شيماء الدالى

#سلاسل_قيود#

وتايهه جوا قصتى
وغرقانه فى نهر الضياع
امتى هرجع من غربتى
وتنتهى حاله الصراع
ظروف فيا بتعصر
ولا شيء حواليا بيعذر
مربوطه بسلاسل قيود
ودرجه حرارتى برود
الفكر يحكى
والعين تبكى
وسيوله الدم فى جمود
الانفاس مكتومه
والاحلام معدومه
والمبنى بيرجع مهدود
خطواتى لورا بترجع
وصبرى على الوضع بيوجع
الاستسلام بقى أمر
والخوف بيطاردنى خيال
بتروح سنين العمر
 والفرح نصيبه اغتيال

# بقلم : شيماء الدالى #