بنغلط / بقلم / شيماء الدالي

بنغلط

بنغلط ونقع وكلها تجارب
وكل حاجه بتسيب علامه
اللى خايف من وجع وهارب
واللى عايش فى دوامه
اللى بيستمر ف غلطوا
وسلم لشيطان ربطوا
واللى عايش بنفس لوامه
اللى عايش يتباهى بالخطيئه
واعترفاته بالذنب بطيئه
على غيره يعيب وعقله يغيب
وبيوهم نفسه ان نوياه بريئه
غلط وبيأثر علينا بالسلب
وبيزود سواد القلب
لو سلمت واتنازلت
وبالغلط رضيت وقبلت
النقطه هتبقى بحر
وهتخش جوا سحر
وتلاقى نفسك اتحولت
هتشوف كل شئ مقلوب
وعن الحقيقه هتكون محجوب
كلنا بنغلط وده شيء اكيد
مفيش حد فينا معصوم
بس هنسقط وكمان هنعيد
لو متعلمناش من درس اليوم
العيب اننا نرضا بالوحله
ونستمر ف الغلط ونستحلا
 لو مات ضميرنا قيامتنا هتقوم

#بقلم : شيماء الدالي#