((((( أخر حد ))))) / بقلم/ الشاعر فهد بن عبدالله الصويغ

((((( أخر حد )))))

أخر حد أفكر فيه
هو إنت بالتأكيد
لو مفيش بالدنيا غيرك
حتكون دايمآ عني  بعيد

مش حباك مش طيقاك
الحب عندك مالوش أمل
ولا بيهمني إن كنت عجباك
القلب بيك عمره  ما آنشغل

ما تتعبش نفسك تاني
ما بحبش حد كداب
مابحبش حد أناني
الحب بقلبه  سراب

فرق كبير خالص مابينا
فرق الوفا و الغدر
زي الماضي و حاضرنا
زي الوردة  و الصخر

مفيش ما بينا شيئ مشترك
و اعجابك كتير شايفاه
نفسي مرة أسألك
 ليه الحب عندك مش حساه

لو تقدر تقول اتفضل
ياريت تستعجل انا سمعاك
ليه دايمآ قلبك بيتبدل
وليه الحب قصير  معاك

عارف ليه أنا أقولك ليه
عشان كداب وملكش أمان
هو إنت فاكر الحب إيه
فاكره لعبه من بتوع  زمان

ماتحولش أو إوعى تفكر
قلبي في يوم يكون ليك
مهما تقول مش حتأثر
أنا يبني صعبه  عليك

صائغ القوافي الشاعر
فهد بن عبدالله الصويغ
 6-2-2017