شوقوني يا مصر ليكي …
بقلم / شريف حجاج
~~~~~~~~
كلموني يامصر عنك
قالوا لي إنك وإنك
قالوا لي إنك جريئة
فيكي أكثر من الحقيقة
وكل أحلامك بريئة
وان فيكي رجال تضحي
بعمرها لجل ما تحيي
وانك انت زرعتي فيهم
الشهامة وخليتيهم
يفرحوا لحظة رضاكي
قالوا عنك أم ليهم
مهما بيغيبوا تناديهم
يرجعوا وانتي تلاقيهم
بحضن دافي يخاف عليهم
وان فيكي حاجات تخلي
حبهم ليكي تمالي
قالوا فيكي أهرامات
عايشة فيكي للممات
تحرسك وتخاف عليكي
وقالوا فيكي أحلي نيل
نبعه عذب وسلسبيل
وصفه موصوفه لعليل
شوقوني يا مصر ليكي
شوقوني اشوف عنيكي
ليست هناك تعليقات:
إرسال تعليق