إيـه هيكون ...
للشاعر/ مدحت عطية
إيه هيكون ؟
يوم مالضنا .. يهون
لما العيون تنام
بالكدب وتخون
لما الصدق يموت
ويضيق بيه الكون
إيه هيكون؟
يوم ما الشمس .. تخدع
يوم مايصيح مجنون
يوم ما الكدب يطلع
على الناس فى العيون
إيه هيكون ؟
يوم ما أحس بأنى كدبه
والابيض ما كانش .. لون
يوم ما أكون مع طفل لعبه
يرميها .. ومقدرش ألوم
إيه هيكون ؟
لما تكون الظنون
لما أمبارح يتكلم
يعتب بسلاح مسنون
لما ترابك أحنن
وأصبح فيه مدفون
أكيد ..
هركع لحزنى
أكيد
هيصحى الجنون
أكيد
هسكن فى دمعي
وأبنى من الآه
حصون
ليست هناك تعليقات:
إرسال تعليق