زجل / (أوهام)/ بقلم/ حربي علي شاعرالسويس

زجل
 (أوهام)

مش
هكتب تاني أحلام
شبعت من الأوهام
هكتب عن البيئة
واقع م الحقيقة
بس بموسيقى
 تحلي الكلام

هكتب عن الحب
وغدر الخل بالقلب
ومين كان سبب
 الهجر والخصام

والله ماسيب ملي
عنى وعن شغلي
دي الآهة بتعلي
 وترفع لقدام

مش هعيش واهم
زي ماإنت فاهم
وفاكر الكل بيساهم
لبكرة 2000 عام

البنت لسه ماتابت
طلعت بره غابت
فلوس كتير جابت
 بس الشرف نام

والولد ليوم القيامة
مضيع فلوس اليتامى
عارف أخو أسامة؟
 عياله بتاكل حرام

واللي حكم طول
ربا شعب يتحول
من ملازم كان أول
لحرامي لكن خااام
 وعجبي

24 / 10 /2016
زجل
حربي علي
 شاعرالسويس