يا ليل …
بقلم / شيماء الدالي
……………………
يا ساتر ومداوي العليل
وظلامك بيكشف اسرار
بنترمي ف احضانك ياليل
وليك عشاق وليك ثوار
اللي يداري ف هدوئك
واللي من حنانك يدوقك
وتبقى ادمان مالك الاوتار
فيك اللي ضايع واللي بايع
واللي رهن الانتظار
ياليل موصوف بالحنين
يا ملجأ بتكفل متغربين
ياليل يا صديق وبتسمع
مليان بالنجوم بتلمع
فيك الندمان عيونه تدمع
بتكون لينا قاضي
وتداوينا وتراضي
وبتستحمل شكوانا وتشفع
ولكل المزايا بتجمع
ياليل الفكر فيك ركن
نميل عليك وناخدك سكن
فيك جنون العشاق بتظهر
ياليل يا شاعل شرارة
واللي مفارق لقلبه تقهر
وتشتت فكر الحيارة
بتكون مقر للهروب
واللي مع سكونك يدوب
واللي مستني إشارة
بنتحامي فيك ونكمل بيك
ياليل الغموض والإثارة
~~~~~~~~~~~~~
#شيماء_الدالي
ليست هناك تعليقات:
إرسال تعليق