متستعجبش....متستغربش لما صحافة (هبة النيل؟!! / بقلمي/ سعد البنا

متستعجبش....متستغربش

لما صحافة (هبة النيل؟!!!!!!!!!!!!!!!!!!!!!!!!!!!!!!)
تصبح نشره للتطبيل
والمقالات مدح وتهليل
والاخبار كدب وتضليل
 متستعجبش ... متستغربش

لما المجرم يبقى شهيد
والواطى يهروه تمجيد
والوطنى يحطوه فى حديد
أو ينفوه لبعيد لبعيد
 متستعجبش .... متستغربش!!!!!

لما حضارة أمه تضيع
بسهوله وبشكل وضيع
بين تبعيه وبين تطبيـع
وتاريخها معروض للبيع
 متستعجبش .... متستغربش!!!!!

لما الصفر يصير أصفـار
بــره و جوه وباستمرار
والخيبه تعمى الأبصار
والجهل يسمم ل فكار
 متستعجبش .... متستغربش!!!!!

لما الوسواس الخناس
يتحكم ف عقول الناس
وقلوبهم تصبح له مداس
ويبايعوه وب كل حمـاس
 متستعجبش ..... متستغربش!!!!!

لما تلاقى بلاد لمجاد
أنتيكه بتتبــاع ف مزاد
والفاسدين صبحم أسياد
والحكام هتــكوا الأعراض
 متستعجبش...متستغربش!!!!!

لما الزور يحـكم بثبـــات
والعدل يودع ف سكات
والدين يصبح شكليــات
وفتاوى بيزنس عمولات
 متستعجبش...متستغربش!!!!!

لما تلاقى النـاس ف بلادى
تايهه وحايره وكله ف وادى
والظلم البين شئ عــادى
والمذنب بقى هو القاضى
 متستعجبش...متستغربش!!!!!!!

لما الرشوه تكون مفروضه
ببجاحه وبإيد ممدووده
وبدونها الأختام مفقوده
والطلبات ناقصه ومرفوضه
 متستعجبش...متستغربش!!!!!

لما الواسطه تكون العرف
والإنصاف ممنوع م الصرف
والموهوب مركون عالرف
والمُدَّعى ف صدارة الصف
 متستعجبش... متستغربش!!!!!

لما تكون الفضائيـــــــات
مليانه بكل التفاهـــــــات
ردح وفضح على مهاترات
وأغانى ورقص كليبات
 متستعجبش...متستغربش!!!!!

لما تحب بكل ضميــــــر
وبتتمنى يعم الخيــــــــر
وبتعذر أخطاء الغيــــــر
ومتلقاش كلمة تقدير
 متستعجبش...متستغربش!

#سعد البنا