ولا تسوى الدنيا / بقلم / صائغ القوافي الشاعر** فهد بن عبدالله الصويغ

((((( ولا تسوى الدنيا )))))

ولا تسوى الدنيا ... دمعة من عينيك
وأنا عمري ياعمري .. ما بين إيديك
دا العمر إنت .. والحب إنت
ونبض قلبي يا حب ليك
ما تفكرش مرة ولو ثواني
أبعد عنك .. وأحب تاني
دنا عايشه بس .. يا روحي عشانك
كفاية يا قلبي .. إنك بتهواني
مين يقدر .. ينسى حبيبه
وهو يبقى .. دواه وطبيبه
دنا عشانك بعت الكون كله
وبعت القمر والشمس وظله
ولو عايزني أبيع أكتر
حبيع روحي ولا أتأخر
هي تسوى أيه .. الدنيا من غير حبك
و أعيش إزاي .. من غير نبض قلبك
مش عايزة منك أي حاجة
غير للحب أنا محتاجة
مفيش في الدنيا أجمل من الحب
ولا قلب يدق على دقة قلب
إوعى تفكر يوم حتنازل عنك
داه لا يمكن وانا حته منك
إزاي تقول .. في يوم حنساك
وأنا على طول .. روحي وياك
دنتا الحب .. اللي اتمنيته
وانت القلب .. اللي لقيته
لأخر دقة في قلبي بحبك
ولا ممكن أفكر أبعد عنك
إمتى بقى حتحس بحبي
دنتا ساكن كل دقة بقلبي
الهوى اللي بتنفس منه
وكل لحن جميل وفنه
و لا تسوى الدنيا .. دمعة من عينيك
 و أنا عمري يا عمري .. ما بين إيديك

صائغ القوافي الشاعر
فهد بن عبدالله الصويغ
 3-3-2017