قصيدة رقم ( 27 ) من ديواني الاول
( دوحة العشاق )
بعنوان ( المجروح )
بقلمي / مجدي عزت
مرت الأيام وفاتت
قست القلوب وماتت
والحب كلمة حلوة نسمعها في الأغاني
ف الدنيا خطاويا تاهت
وعينيا م الحزن شاخت
عايش على أمنية من أجمل الأماني
اليوم ده الدنيا طابت
من ذنبي النهاردة تابت
وقالتلي يا مجروح خد حظك من حناني
اليوم ده ليك حبيب
بسماع صوته يطيب
جرح قلبك ويا عمرك قلت اشهد يا زماني
غسلت جراحي بإيدي
وقلت النهاردة عيدي
ولبست أجمل ما عندي ورحت أعد الثواني
( تمت )
مع تحياتي / مجدي عزت
ليست هناك تعليقات:
إرسال تعليق