هلا بالرقة والإحساس …
بقلم / فهد الصويغ
هلا بالغلا و بالجمال الفتان
هلا بالدلال والرقة والإحساس
هلا باللي عطر الكون الحان
و دايم مقامة فوق الراس
أشرقت شمس دنياي بوجودك
هلا بالزهر و الفل و الريحان
عطرت قلبي بورد خدودك
والقمر بشوفتك صار حيران
ياريم الغدير ليه طولت البعاد
والقلب أسير مشتاق لعيونك
اليوم بهلتك الكون أعياد
رجعت اليوم لقلب مجنونك
تدري الفرقه على العاشق نار
و إنت للعين يا قمر نظرها
زهر الربيع بغيبتك أحتار
والوان الشجر غيرت مناظرها
هلا باللي غنى له الطير بسماه
و القمر كتب حروف إسمه
هلا بنجم القلوب بجيته ولقاه
واللي جعل الفرح بلقاه قسمه
إشتاقت عيوني لنظرة منك
والقلب رفرف من هلتك عليه
تسلم ياغلاي بذوقك وفنك
إنت من كان القلب يحتريه
ربي عطاك من غير ما تطلب
جمال الكون كله في وصوفك
بخاطري لي عندك مطلب
خلني يا الزين دايم أشوفك
قربك حبيبي كل ما أتمنى
ولا لي بدنيتي أماني سواك
بعدك نار و قربك لي جنة
مقدر يا غلاي أعيش بلاك
هلا بالفرح و السعادة و الهنا
هلا باللي فاق حدود الجمال
أمر حبيبي تدلل ليك قلبي أنا
أبيع عمري كله لجل الوصال
~~~~~~~~~~~
صائغ القوافي الشاعر
فهد بن عبدالله الصويغ
17-3-2017
ليست هناك تعليقات:
إرسال تعليق