هتنسيني / بقلم/ سعد البنا

هتنسيني

هتنسيني... و بكره تقولي
طيف عدى على عيوني
سراب خادع...
و كان ح ياخدني لجنوني
 و هتقولي سرحت بفكري و ظنوني

هتنسيني.. عشان خايفة تحبيني
تنام عينى على صورتك
و عينك خايفة تلاقيني
بلاش تمشى على جمري
 بلاش بالشوق تجامليني

تعبنى هواكى... ما بأمري
بلاش بالعطف تحييني
أنا أهون على قلبي
تضيعي منى ........ تنسيني
و أتوه بعدك.. أنا و دربي
و لا بكدبه  تواسيني

بعيد عنى قوى قلبك
يا ساكنه في شراييني
ياريت الحب دا بأمرك
 و كنت أرويكي بسنيني

سنين الحب و الأحلام
يا غنوه مش لتلحينى
أنا عاشقك كما وصفك
و حبك وحده يغنيني
لكن حبك كما دهرك
 هياخد..... مش هيديني

هياخد شوقي لعيونك
هياخد نبضى و حنيني
بحبك بس مش مالكك
 يا ريت تبقي فهمتينى

#سعد_البنا