**اضحك..افرح**/ بقلمي/ رضاسالم

**اضحك..افرح**

حاول تفرح مره ف عمرك
وارمى الحزن وغمه وراك
حاول إوعى الفرصه تفوتك
واحضنها ف صبحك ومساك
طلع غيظك نضف قلبك
طهر قلبك م الأحزان
سيب نفسك للفرح يشدك
ولا الغم اصبح إدمان..؟؟
إضحك خلى الضحكه تجلجل
فكك م اللى يقول دا جنان
إرمى همومك من ورا ضهرك
ياما القلب شبع أحزان
ورى الناس إيه لون أسنانك
إضحك خلى السنه تبان
خلى البسمه تصالح وشك
عالى الضحكه كمان وكمان
عيش أيامك عرض وطول
إضحك خلى الضحكه تطول
فرفش هيص نعنش روحك
لو قالوا عليك واد مسطول؟؟
متعبرش كلامهم .....كبر
خلى الهم يغور ويزول
خدلك جرعة فرح زياده
حاول تخلص م التكشيره
دى البسمه صدقه وعباده
ولا دى واسعه عليك وكبيره؟؟
لون حلمك...ودع همك
بلا أحزان....بلا حقد وغيره
إضحك مش هاتروح النار
وارمى الضحكه لسابع جار
حلى مرار الدنيا بسكر
واسعد قلبك ليل ونهار
خدلك راحه م الجد شويه
هزر وافرح باستمرار
إفرح خلى الوقت يفوت
خلى الحزن يطق يموت
لملم جرحك صالح نفسك
نادى ع الفرح وعلى الصوت
فوت للأحزان دى تعدى
وبسرعه الايام هاتفوت
دلع نفسك عيش اللحظه
 دلع نفسك قبل الموت

#رضاسالم