قلوب الناس ...
عبد الحليم الزلوعي
~~~~~~~~~~~~~~~~~
ما بيتوالدش الحب في قلب الحجر
مهما شافوه الناس وقلوا مش حجر
بس اللي لمسه ولو حرير يعرف اكيد
ان اللي لمسه وحس بيه كان الحجر
يبقي النتيجه المزعجه والمؤلمه
الحكم علي اشياء كتير كده بالنظر
بس انتظر لحظه هاتجمعكم سوا
ها يبان ويظهر للعيون انه الحجر
يبقي اللي عايشه ولو ضرير بيحس بيه
بالحس ها يشوفه ويعرف كان حجر
مهما العواطف تسحرك او تخدعك
تنزل وتروي من ظما زي المطر
حدد يا دوب لحظة لقا وهاتعرفه
هايدوب تراب الزيف ويبان الحجر
انسان وقلبه من هواه صابه الشجن
قلبه اتوجع وبان عليه طول السفر
نحكم عليه وحكمنا حكم العدم
علشان ما شوفناش الحقيقه المؤجعه
بس انت لسه ما تعرفوش حكمك خطر
يبقي الطبيعي واللي انت لازم تعرفه
ما بيتولدشي الحب الا في قلوب البشر
بس انت عاشره والمسه وها تعشقه
والعتمه ليه جوه الناموس كارهه القمر
علشان بيكشف سترها مع سرها
مهما تحاول تخترع او تبتكر بس انتظر
شوف المساوئ والمسالب والعيوب
مهما يطول او يوم يدوم ليل السهر
مليان حكاوي والغناوي ها تخدعك
وبعدها دمعك يسيل دمعك حفر
سراديب مرار منقوشه في جدار الزمن
هاتعيش معاك وهاتترسم كف القدر
ليست هناك تعليقات:
إرسال تعليق