((((( سلف ودين )))))/ بقلم الشاعر / فهد بن عبدالله الصويغ

((((( سلف ودين )))))

هيجيلك يوم تفتكرني
وتنسى اللي نسيتني عشانه
هيجيلك يوم تحايلني
بعد الزمان ما يغير زمانه
بس مش حتقدر تقنعني
 لأن القلب إتغير مكانه

دي الدنيا سلف ودين
وبكره راح تتذكرني
عيش مبسوط شويتين
ولما ترجع فكرني
دا الكدب مالوش رجلين
 مش إنت اللي تحيرني

هيجيلك يوم إبقى إفتكرني
إزاي صنتك وإنت خنت
حتعرف قد إيه ظالمني
وازاي عشان بحبك إنظلمت
ساعتها لا أحسبك ولا تحاسبني
 وقتها حتكون بس كنت

عمر الزمن ما حينسهالك
وحتشرب من نفس الكاس
وإن كان عليها سيبتهالك
راح تعرفك يعني ايه إخلاص
حتكون وقعت في شر أعمالك
 و تجرب نفس الإحساس

هيجيلك يوم تفتكر أيامي
وحتعض إيديك من الندم
حتدوق طعم الامي
وتعرف يعني ايه عشم
حتتذكر ساعتها كلامي
 وتعرف مين فينا إنظلم

مش ح أعتابك ع اللي فات
سيبت الزمن هو يعاتبك
ولا على أيام الذكريات
فوضت الدنيا تحاسبك
لسه حتسمع منها حكايات
 حتزود ليك جرح قلبك

دي الدنيا سمها الغدارين
وعذابها ويل للي بيظلموا
هتجيلك بس أصبر شويتين
بتديكوا فرصة تتكلموا
ما تستعجلوش إفرحوا يومين
 بكره من الدنيا ح تتعلموا

صائغ القوافي الشاعر
فهد بن عبدالله الصويغ
 27-12-2016