((((( توبة يا زمان ))))) / بقلم الشاعر / فهد بن عبدالله الصويغ

((((( توبة يا زمان )))))

من بعد كام سنة
عشنا فيها بعاد
كنت فاكره يا أنا
 بقلبي مات الوداد

لقيت طيفك بيفكرني
جاي يسأل على قلبي
كأنه جاي يصبرني
 إني مانساش حبي

من بعد كم سنة
فكرني باللي فات
آيام ماكنت هنا
 وبأجمل ذكريات

رجعني للماضي بثواني
خلاني بفكر فيك
قبل ما ترجع تاني
 كنت عايشه بلياليك

معرفش إيه خلاني
أفكر فيك وأسهر
من قبل ما تترجاني
 كنت فيك بفكر

قلت لنفسي حسامحك
لو طلبت مني السماح
ووعدت روحي أصلحك
 وأنسى كل الجراح

كأن القدر إستجاب لي
وجابك قصاد عيني
خلاك قوام تعتذرلي
 وأرجع فرح سنيني

صعبنا ع الزمان نفترق
رجعنا للحب اللي كان
ماهنش عليه نتحرق
 بنار البعد والهجران

عشان حبنا كان فيه إخلاص
كان حب حقيقي مابيموتش
سمحتك حبيبي خلاص
 ده زعل الأحبه مابيدومش

خلينا نعيش أيامنا
وننسى الجراح والألم
تعالى نرجع أحلامنا
 وننسى مين اللي إنظلم

بحبي وحبك نرجع دنيتنا
زي ماكان وأكتر كمان
بقلبي وقلبك ترجع فرحتنا
 ونقول خلاص توبه يا زمان

صائغ القوافي الشاعر
فهد بن عبدالله الصويغ 
 27-12-2016