مين اللي قتلك يا بني ..؟/ مشاعر/ حسن محمود

................ مين اللي قتلك يا بني ..؟ ..........

مين اللي قتلك يا بني ..؟
مين اللي سيح دمك
تعالي في حضني غرقني
تعالي في حضن أمك
مسك الختام عطرني
العطر فاح من فمك
قوم رد عليا كلمني
قولي مين اللي ظلمك
مين اللي غرق الأرض دم
مين اللي إستباح جسمك
إستفرد بيك بكل الظلم
والعما عماه عن حلمك
ورد الربيع كله إتلم
وكتبوا بأوراقه أسمك
والسما عيطت عليك هم
والطيور شالوا نعشك
بقيت طاير ذي السهم
والعيون سامعة حسك
والأرض قالت ده شهم
وضمتك فيها بكفنك
ودي مش نهايتك يا بني
دي بدايتك لوطنك
ومهما زاد عليك حزني
وقسوة البعد عنك
انت معايا وقريب مني
 وح تلقاني في حضنك
.....................................................
 .............. مشاعر/ حسن محمود ....