زجل (نفسي أتجوز)/ لحربي علي شاعرالسويس

زجل
 (نفسي أتجوز)

نفسي أتجوز لتاني مرة
ويرميني زماني برة / برة
أبدل كياني بواحدة  ضرة

معانا واحدة يعجبها النكد
تحب المناكفة وخراب البلد
عينها تحفة بمستشفى الرمد
تبص بصة تموت لى نظرة
نفسي أتجوز لتاني  مرة

ديما تفكر غسيلى إمتى؟
مواعيد تآخر وتقولي ستة
الشعر المدفر مافيها حتى
والمر أسمر وهلما جرة
نفسي أتجوز لتاني  مرة

عاوز عروسة زى الحلاوة
أديها بوسة تزيد شقاوة
ترفعني بوصة أطول غلاوة
تطبخلي كوسة ولحمة حمرة
نفسي أتجوز لتاني مرة
ويرميني زماني برة / برة
أبدل كياني بواحدة  ضرة

**********
هذه الحالة
ليست بالضرورة
 (تجربة شعرية)

لحربي علي
 شاعرالسويس