قصيدة باللهجة العامية /بعنوان/ بحبك يا كسوة / بقلمي / ملك الأصفر

قصيدة باللهجة العامية ... بعنوان ...
بحبك يا كسوة ... بقلمي ...
...................................................
بحبك يا كسوة وبحب الحلا فيك
بحب النسيم وسحر الورد يزهيك
وبحب الناس قلوبا مليانة بالخير
وشموع الفرح عم تضوي لياليك
شو بحب نجومك لما بيحل الغسق
ومراعي سهولك لما بتضحك للفلق
وتلال الورد وزهور الياسمين
وشمس المحبة تطل وتزيدك ألق
...........................
ماحلى الليالي فيك بصحبة الأنوار
وصحبة أحبة ونكتب أجمل الأشعار
وما حلى غيومك لما بيزخ المطر
ونقعد سوى بهالبيت بصحبة السمار
وما حلى بساتينك خضرا وماحلى الظل
لما نسيمك بيهفهف بعطر الفل
وبلابل حلوة عم تشدو مع الأطيار
أحلى نشيد بهالدني والنور يهل
..............................
فيك المحبة وفيك الصدق والوفا
وفيك الأحبا بتزيدك سحر ودفا
ونفوس طيبة وأهل ولمة الخلان
بتزيدك ألفة وبيحلا فيك الغفا
إنت مدينتنا ومسيجة الغار
ومزنرة بالحب ومحصنة بأسوار
إنت يا نبع الحب وإنت يا أحلى دار
رح نبقى فيك دوم ونكمل المشوار
.................................................
 ملك الأصفر