الصفحة
الصفحة بتتقل بكلامي
وكأنهم وهم ف أوهامي
وسطور الشعر اللي عليها
وكلام الشوق اللي ماليها
حتى الوطنية واغانيها
بتشد الصفحة لمجاريها
والشمس اللافحة ف صيف شارد
والمطرة النازلة ف شتا بارد
وكلا م الليل ان كان وارد
وربيع الزهر اللي ف غيطنا
ودموع النهر اللي رابطنا
وخزين القمح اللي ف بيتنا
والتور تعليقته ف ساقيتنا
الصفحة بتتقل ف حسابها
والكلمة بتحسب ف كتابها
مين قال نرميها لكلابها
مين قال البيع كان على بابها
مين قال بنضيع خطابها
وأزاي الشين يبقى نسبها
الصفحة بتتقل حد يشوف
ان كان لها ناف والا شادوف
نرويها بدم بدون خوف
نحييها لو عايزة الوف
الصفحة دي طين ورث قديم
مصطفى قمر
ليست هناك تعليقات:
إرسال تعليق