ياللى عمال ..تراوغ فى
قلبى ...
محاولتش يوم.. تريّحه ...
مفكرتش مرة .. تحتويه ...
ولا عايز تسيبه .. وتسرّحُه ...
لحد ما فاض بيّه.. منك...
جمّدت قلبى.. ودقّيت على
باب قلبك ...
لحدّ ما إضطريتك .. تفتحه ...
لقيت قلبك .. فيه عشاق
كتير ...
وكل واحد.. عارف مطرحُه ...
عملّك إيه قلبى.. عشان
تجرحه ...
وبسكّينه تِلمه .. تدبحه ...
مش كفايه .. مقدرتش فى
يوم تفرّحه ...
كل الناس .. عارفه قيمته ...
وإنت لا فكّرت .. تشجّعُه
أو تمدحُه ...
سحبت قلبى .. ف إيدى ...
وحلفت م أخليك .. يوم تلمحه ...
عزة أحمد الشربيني
ليست هناك تعليقات:
إرسال تعليق