شاعر الاول

السبت، 28 يناير 2017

تسمح لي احكيلك / بقلمي/ إبراهيم خليفه رمضان


شخابيط إبراهيم خليفه رمضان
1
تسمح لي احكيلك
وأقولك
عن شخابيطي
وملامحي اللي بتظهر
ف النني وف الوش
المليان حواديت
ف القوله اللي بتخرج
م الصخر ياقوت
وساعات تيجى بالعكس
وبالمقلوب
يطفح جوانا الكيل
المتعبي
قزاز ... برواز ... هزاز
وأحس إن أنا عايز
أصرخ من جوايا
وخايف
لحسن حد يشوفني
ويقول عليه ضعيف
أدحرج بره الذكري
ورسم بنوته أتشكل
من جواها ملامحي
وارسم إن البنت دهيه
عايزه تاخدني
ترقص ويايا وتحضني
أتشكل جوايا الفرح
2
ترفض لغة الحزن
ولغة الجرح
ورغم الجسم النحفان
قادرة تاخدني
أف باطها ونام
تصحي الشمس ويصحي
كل الخلق النعسان
يصحي الحزن يفجر فينا
لغة الاوهام
والحلم اللي أف مره ندانى
وقاللي:
ارمي الشبكة جوه البحر
راح تلاقيني
غيرت المهنة ورحت اصطاد
ورميت الشبكة جوه البحر
وفضلت كتير مستني
يطلعلى دليل
ان الحلم جوه الشبكه
ولما اتعبت ومليت
مديت ايديه اسحب الشبكه
 لا طلع الحلم ولا طلعت ف ايدي ..............
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)