مسدس {سيبها لله...وليست سبهلله}/ للدكتور/ خالد عبدالحميد خربوش

مسدس {سيبها لله...وليست سبهلله}
للدكتور/ خالد عبدالحميد خربوش
٠٠••••••••••••••••••••••••••••••••••••••••

لمَّا تسمع غلطه.ورطه
إنك ماترضى ترُدَّها
قولها. إعلن للجميع
أسانيدها واضحه مُعَلَّلَه

بالأدلَّه الدامغه وضَّح
إيه خطورة مدَّها
تبقى خطوه محسوبه لك
 وبنجاحها مُكَلَّلَه

في التعامل والمعامله
فيه مُجامله مع الكلام
الحقيقه ان المشيئة
 بتبقى دايماً ع اللسان

في أمورنا نكون بادرنا
بذكر ربِّي على الدوام
فيها راحه..وفيه سماحه
 وفيه مساحه من الأمان

(سيبها لله) ..يعني نقصد
بيها دي مِسْك الخِتام
يبقى ننطق بيها صَح
 طالعه واضحه عيان بيان

إوعوا ننطق وبجهاله
إعرفوا إيه حدَّها
(سيبها لله) عمرها
مااتحوَّرِت لــ..(سبهلَلَه)
٠••••••••••••••••••••••••••••••••••••
 من ديوان مسدسات الجزء الثاني بالمشاركة مع شاعر مصر والعرب العبقرى الشاعر الكبير العم/ إبراهيم رضوان.
والشاعر الكبير المبدع الدكتور/
أشرف عبدالعزيز ........وآخرين.