صرخة /بقلم الشاعر / السيد محمود

صرخة

مدد يارب مدد ، محتاجين
........... من عندك مدد
كتير كتير يا رسول الله
و العدو حفنة مش عدد
بيتحقق فينا كلامك و
ضعفنا مش قلة عدد
رسموا الخريطة و قسموا الميراث
و بلاد العرب صارت هدد
غربان و بوم فوق الحطام متجمعين
صوتهم نواح حزن و نكد
سامع آهات ماليه الوجود
شايف دموع حارقة الجفون
و القدس بتبكي دم و الأقصى
هان و بكره غيره راح يهون
و العرب رافعين شعار نشجب
في ضعف و مذلة و سكون
مشغولين عنا بالكراسي
اللي مصيرها للفنى هتكون
شايفين أطفال ملهاش مكان
ماسكه البارود هاجره اللعب
بيغنوا أغنية لحنها صوت المدافع
بيذاكروا على ضوء اللهب
مش لاقيين حتى الحصى اللي
يردوا بيه كيد العدو اللي نهب
ضربوا المثل في المرجلة و
بالحجارة زلزلوا جيش إبرهه
يا قاهرة يا اللي قهرتي ألف
عدو و كنتي ليهم مقبرة
يا مكة و يا مدينة يا منورة يا اللي
كنتي في يوم سايدة و مسيطرة
يا بغداد يا أرض الخلافة
و جنب منك أنقرة
لو نسيتم مجدكم إقروا التاريخ
يمكن تحن القلوب المتحجرة
في كل بيت فيه شهيد ضحى
بروحه لبلاده قدمها هدية
منهم مريم طفلة بريئة عايشة
وحيدة هي الدنيا لأمها سعدية
مريم صاحية من الفجرية يومها
الأول في الإبتدائية
مش بالعادة رفضت تفطر كانت
الفرحة أكلة هنية
شايلة في إيد قلم و كتاب و في
إيدها التانية وردة هدية
راحت مريم رجعت جثة ماتت
صايمة برصاص دورية
طفلة بريئة و غيرها كتير يا ضمير
العالم صمتك لابس سوء النية
يا مجلس أمن غير إسمك أسلخ
جلدك أحسن لك مجلس حرامية
يا مجلس أمن دم الطفل بيصرخ
فيكم دم الطفل ليه قدسية
فين الأمن يا مجلس أمن دم الشهدا
تمنه الدم مش هنقبل فيه الدية
مش هنخلص مش هنموت لينا جذور
و الإرهاب كلمة و حجة قتل غبية
جي اليوم و هناخد تارنا نامي يا
مريم عمر الدم ما يكون ميه
القسام علم أجيال عايشه ليوم أخد
التار تارك ليهم قصد و نية
جي صلاح الدين من تاني جنده
بواسل ألف كتيبة و ألف سرية
فصلك كله صلاح الدين دمك أبدا مش
ناسيين في المستقبل قوة عتبة

بقلم الشاعر / السيد محمود