إندهيني/ بقلم / نصر فؤاد

.... إندهيني ...
------ * ------ * ----- * ------ * ----- * ----- * ---
 بقلم / نصر فؤاد

إندهيني ... إندهيني
قبل ما يخلص حنيني
قبل ما تضيع سنيني
رحلة الشوق والسراب
إندهيني
عمري راح والقلب لسة فاكر الحلم البعيد
 عمري راح والقلب لسة فاكر الحلم البعيد

قبل ماتسري الدموع في عروق حبيبك..
لأ هاسيبك.
قبل مايموت الأمل وتنطفي شعلة لهيبك..
لأ هاسيبك.
دم إسود يحرق الأمل اللي جاي.
خلصيني من السجن الحديد .. خلصيني.
وارسميلي جوة نينك أحلى عيد..إرسميلي.
عمري راح والقلب لسة فاكر الحلم البعيد
 عمري راح والقلب لسة فاكر الحلم البعيد

بنت حلوة زيك إنتي
زي نيلك .. زي أرضك
حبي ليها .. أصله حبك
عمري راح والقلب لسة فاكر الحلم البعيد
 عمري راح والقلب لسة فاكر الحلم البعيد

بنت قاسية زيك إنتي
زي شمسك .. زي رملك
شوقي ليها .. نبض قلبك
عمري راح والقلب لسة فاكر الحلم البعيد
 عمري راح والقلب لسة فاكر الحلم البعيد

ردي ياغالية علينا .. كلمينا
إمته هاتعود السفينة ؟!!!
إمته راح ترسى في مينا ؟!!!
ليه سافرتي يا أملنا ؟!!!
ليه نسيتي ترجعينا ؟!!!
ألف ليه ... ألف ليه ... ألف ليه
ألف ليه تسأل ولا ترديش علينا
عمري راح والقلب لسة فاكر الحلم البعيد
 عمري راح والقلب لسة فاكر الحلم البعيد

شوقي ليكي من سنين
إبتدى في صرخة أنين
كل ما أبدأ في البعد عنك
تاني يشدني ليكي الحنين
عمري راح والقلب لسة فاكر الحلم البعيد
عمري راح والقلب لسة فاكر الحلم البعيد
 إندهيني .. إندهيني

بقلم / نصر فؤاد