وصف شرير/ بقلمي/ هلال جلامنة

وصف شرير

البحر واسع والأمواج بيه كثيرة
 تحسه هادي وغضبه بلا تفسير

وأنت بحرٍ أسرارك كلها حيرة
 زي تمساحٍ دموعه بلا تبرير

من طلتك القمر تذبحه الغيرة
 سبحان الخالق أحسن الخلق والتصوير

شعرك شلال ليلٍ طالت بيه السيرة
 جديلٍ طويلٍ ع طرف ظهرك يسير

حاجبك هلال رمضان ما شهر غيره
 كن الشمس ع جبينك ملاذها الأخير

رموشك بيها سحرٍ اشقد خطيرة
 عيونك نظراتها تحديد المصير

سوادٍ يبرق بيها كنه درر صغيرة
 وسيع العين بياضها مشرب الطير

خدك مكنوز بالورد يفوح عبيره
 خشمك سيف لا كبير ولا صغير

شفتين خاتم سليمان عجيب تدويره
 كنها توت غارق بلونها العصير

جمال وجهك سطر تايه تعبيره
 أشوفك أنثى كلها تفاصيل وتعابير

عقود الذهب ع جيدك صارت خبيرة
 يتدلى ع صدرك يشعل ثورة تحرير

صدرٍ الشمس وقمر أيامهم قصيرة
 شامخا بالهوا النهد لخويه سرير

غصن طولك فارع بغصونك مثيرة
 غزال يتهادي ع وجه الأرض بالمسير

ما ضل غير وصف ردفك ونظيره
 وما بيا حيل لوصف أصير بيه شرير

لو ألف بلاد العرب وحط بالفجيرة
 م تلقى زي العرب أوجوه الخير

هلال جلامنة