لحظة لما قلبى ندالك
روحى أشتاقت تبقى أمامك
ليه معرفشى وحياتك عندى
شوفت ملامحى بين أحضانك
كنت يا روحى فى الدنيا وحيد
معرفشى حاجة غير التنهيــد
مع الوان النجم الساهر
اللى رمانى فى خيالى بعيد
شوية شوية لاقيت الدنيــــا
فاردة جناحها جوه عينيــــه
راسمة فى صورتك وكل حلاوتك
كأن الدنيا بقـــت فى أيـــــديه
قولت لنفسى أكيد أوهام
بعــد العمــر أعيش أحلام
لاقيتك تيجى فى نفس ميعادك
ساكنه فى قلبى بكل غرام
مرت بيا شهور وشهور
وأنا وياكى بعيش فى قصور
أعلى معاكى وأنجح بيكــى
وأبقى بحبـــى شاعر وجسور
لحـــد ما قلبى جه وتعبنى
من شدة النار اللى من حبى
وخدنى طبيب الهوى يناديلك
يعالج فيـــا بعــــدك عن حضنـــى
ولما بقى الحلم حقيقــــــة
لاقيت الكلمة ليــا تقيلة
والشعر فى راسى أبيض وراح
والباقى من الدنيا كلمة ظريفة
واللى كنت فيه وياكى
بكل جوارحى ساكن فيكى
حرمان ودمار وسنين بتعدى
نفسك مرة أمس هواكى
يالله تعالى نطفى النار
ونفتح صفحة جديدة زى الشطار
نلم حنين الدنيا عشانا
ونخلّى الكل معانا يحتار
.......................................
بقلم / محمد لبيب مصيلحى
25/1/2017
ليست هناك تعليقات:
إرسال تعليق